ಹೌದು ಬೇವಿನ ಮರ ತುಂಬ ತಂಪು ನೀಡುವ ಮರವಾಗಿದೆ ಈ ಮರದ ಕೆಳಗೆ ನಿಂತ್ರೆ ನಮ್ಮ ದೇಹ ತುಂಬ ತಂಪಾಗಿರುತ್ತದೆ ಹಾಗೆಯೆ ಈ ಬೀವಿನ ಮರದ ಬೀಜಗಳು ಸಹ ಹಲವು ರೋಗಗಳಿಗೆ ರಾಮಬಾಣವಾಗಿ ಕೆಲಸ ಮಾಡುತ್ತದೆ. ಯಾವೆಲ್ಲ ರೋಗಗಳನ್ನು ಹೋಗಲಾಡಿಸುತ್ತೆ ಅನ್ನೋದು ಇಲ್ಲಿದೆ ನೋಡಿ.
ಬೇವಿನ ಬೀಜಗಳಿಂದ ಮಾಡಲಾದ ಚಹಾ ಆರೋಗ್ಯಕ್ಕೆ ಬಹಳ ಉತ್ತಮವಾದುದು. ಇದು ಮೂತ್ರಪಿಂಡ ಮತ್ತು ಪ್ರಾಸ್ಟೇಟ್‌ಗೆ ಸಂಬಂಧಿಸಿದ ಸಮಸ್ಯೆಗಳಿಗೆ ಬಹುಪಯೋಗಿ. ಆದರೆ ಈ ಚಹಾ ಕಹಿಯಾಗಿರುವುದರಿಂದ ಕುಡಿಯಲು ಜನರು ಮೀನಾಮೇಷ ಎಣಿಸುತ್ತಾರೆ.
ಬೇವಿನ ಬೀಜದಲ್ಲಿ ಕೂದಲಿನ ಸಮಸ್ಯೆಗೂ ಪರಿಹಾರವಿದೆ. ಕೂದಲು ಉದುರುವಿಕೆ ಮತ್ತು ತಲೆ ಹೊಟ್ಟಿನ ಸಮಸ್ಯೆಗೆ ಬೇವಿನ ಬೀಜ ಪರಿಹಾರ ನೀಡಬಲ್ಲದು. ಇದರಲ್ಲಿ ಆ್ಯಂಟಿ ಪ್ಯಾರಾಸಿಟಿಕ್, ಆ್ಯಂಟಿ ಬ್ಯಾಕ್ಟೀರಿಯಾ, ಆ್ಯಂಟಿ ಫಂಗಸ್ ಗುಣಗಳಿದ್ದು ಕೂದಲಿಗೆ ಸಂಬಂಧಿಸಿದ ಎಲ್ಲ ಸೋಂಕುಗಳನ್ನು ದೂರ ಮಾಡುತ್ತದೆ. ಇದರಲ್ಲಿ ಪ್ರೋಟಿನ್, ವಿಟಾಮಿನ್ ಸಿ ಮತ್ತು ಕ್ಯಾರೋಟಿನ್ ಅಂಶಗಳಿರುತ್ತವೆ.
ಬೇವಿನ ಬೀಜಗಳನ್ನು ಅರೆದು ಸೇವಿಸಿದರೆ ಮಲೇರಿಯಾ ರೋಗಕ್ಕೆ ಔಷಧವಾಗಿ ಪರಿಣಮಿಸುತ್ತದೆ. ಬೇವಿನ ಬೀಜ ಅರೆದ ಪರಿಮಳಕ್ಕೆ ಸೊಳ್ಳೆಗಳು ಪಲಾಯನ ಮಾಡುತ್ತವೆ. ಅರೆದ ಬೀಜಗಳ ತೈಲ ಸೊಳ್ಳೆಗಳು ಮೊಟ್ಟೆ ಇಡುವುದನ್ನು ನಿರ್ಬಂಧಿಸುತ್ತದೆ.
ಅರೆದ ಬೀಜದಲ್ಲಿ ಆ್ಯಂಟಿ ಏಜಿಂಗ್ ಮತ್ತು ಆ್ಯಂಟಿ ಆಕ್ಸಿಡೆಂಟ್ ಗುಣಗಳಿದ್ದು ಅದು ವಯಸ್ಸಾಗುತ್ತಿರುವಂತೆ ಮುಖದಲ್ಲಾಗುವ ವೃದ್ಧಾಪ್ಯದ ಲಕ್ಷಣಗಳನ್ನು ತಡೆಯುತ್ತದೆ. ಚರ್ಮ ಸುಕ್ಕುಗಟ್ಟುವುದನ್ನು ನಿಯಂತ್ರಿಸುತ್ತದೆ.
ಹಿಂದಿನ ಕಾಲಿದಿಂದಲೂ ಬೇವನ್ನು ಹಲ್ಲುಗಳನ್ನು ಸ್ವಚ್ಛಗೊಳಿಸಲು ಬಳಸಲಾಗುತ್ತಿದೆ. ಇದು ಆ್ಯಂಟಿ ಬ್ಯಾಕ್ಟೀರಿಯಲ್ ಮತ್ತು ಆ್ಯಂಟಿ ಸೆಪ್ಟಿಕ್ ಅಂಶಗಳನ್ನು ಹೊಂದಿದ್ದು ಹಲ್ಲುಗಳನ್ನು ಬೆಳ್ಳಗಿಡಲು ಸಹಾಯ ಮಾಡುತ್ತದೆ. ಇದರ ಎಣ್ಣೆ ಒಸಡು ಬಾತುಕೊಂಡರೆ ಮತ್ತು ಹಲ್ಲು ಸವೆತಕ್ಕೆ ಪರಿಣಾಮಕಾರಿ ಮದ್ದು. ಹಲ್ಲು ನೋವು, ಹಲ್ಲಿನ ಕ್ಯಾನ್ಸರ್‌ನಿಂದ ಉಳಿಸುತ್ತದೆ.